Description

ამბობენ, თამაში მხოლოდ ბავშვებს უყვართო. არადა, ასე სულაც არ არის. თამაში დიდებსაც უყვართ, უბრალოდ, მათ ეს აღარ ახსოვთ. ისევე, როგორც არ ახსოვდა ბებია კატერინეს. თუმცა როგორც კი პატარა შვილიშვილი, კაწიკო დაუტოვეს, ბებია კატერინე ბუზღუნა მოხუციდან მხიარული თამაშების გამომგონებელ ბებიად გადაიქცა! როგორ? წაიკითხე წიგნი და მიხვდები.

სხვათა შორის, თუ სთხოვ, შენი ბებიკოც გამოიგონებს შენთვის მხიარულ თამაშებს, თანაც სიხარულით! ბებიებს ხომ ძალიან, ძალიან უყვართ შვილიშვილების თხოვნის შესრულება. სცადე, სთხოვე, ერთად თქვენც კარგად გაერთობით!